'Kabhi Sochta Hoon...'

kabhi sochta hoon kabhi khud se milu tootkar,
khud ko janu khud ko pehchanu, khud se sawal karu, khud se puchu, kya tum thik ho???
kya tum kahin ho? kahaan ho tum?
Kya tumhe ehsaas hai ki tum ho,,,
Kabhi Sochta hoon khud se ladun,
Kabhi sochta hoon khud ko pukaru, pukaru kehkar aa jao wapis,
laut aao wahan se
jahan raahein nahi dikhai padti bas manjile samne hai,,,
Kaise chaloge un kathin raaston par,
tumhare kadam bahut chote hai,

Kaise chaloge un nirmamm raahon par
tumhare paer bahut komal hai,
Kaise samna karoge un kaale saayo ka...
tumhara ridhay bahut komal hai
Kaise sahega wo duniya ki kaali nafrat tumhara Dil bahut masoom hai,
Pighal gaya gar duniya ki jalan se,
nafrat se jiska andaja nahi hai tumhe
Kaise karoge Dosti kisi se jahan Dosto ki niyat mein sirf Khot hai
Kaise pehchanogey, Kaise janoge ki kaun hai apna kaun hai paraya,
jahaan dena padta hai Dil me rehne tak ka kiraya....
Kaise dekhoge jalti rahon ko tumhari aankhen nirmal hai,
nirdosh hai; jahan dosh hai bhara....
Kaun karega yakin tumhara kaun samjhega tumhe,
jab khot hai khud unki sacchai me,
Kaun janega in aankho ki mithi sacchai ko,
Kaun hoga wahan jo dega tumhe bewajah pyar,

Nirswarth khyal kaun rakhega tumhara,
tumne jis tarah rakha hai khyal unka...
kaun rakhega us tarah se tumhara ,
so laut aao wahan se swarth bhara pada hai jahan,
laut aao wahan se jahan koi na samjhe tumhe,
Koi na ho sacche Dil ka jahan, kya karoge wahan...
Har jagah jhuth hi jhuth,
aankho me dhokha chehre mein banawat ho jahan,

laut aao laut aao.... laut aao yahan...!!!

Par kya karoge lautkar bhi???
Kya bhula paoge us dard ko jo us duniya me tumhe mila,
Kya bhula paoge wo dard jo us duniya ne tumhe diya,
Kaise bhulaoge wo nafrat jo us duniya se tumhe bewajah mila,
kya bhula paoge wo matlab jo bedardi se unhone poora kiya,,,

Kya bhula paoge, Kya bhula paoge ???
Kya bhula poage wo sab???

Maana tum rahoge khamosh na karoge koi gila,
Par Dil ko kaise samjhaoge,
Behti aankho ko duniya ki nazro se kaise chupaoge???
Apni raahein bana paoge ya kathor ban badal jaoge???

Kaise badal paoge khud ko,
Kaise samjhaoge Dil ko,
Kin raaston ko doge ehmiyat ya phir haar kar reh jaoge....
Sath rahoge mere ya tum bhi thukra kar nikal jaoge....

Kabhi sochta hoon.....
Kaise karoge yakin kisi par,
jab dhokha hi dhokha mila ho umar bhar,

Kisi ki nazro ki aas ban paoge ya phir toot kar bikhar jaoge.....

Kabhi sochta hoon bula lu wapis tumhe,
Dil se pukaru tumhe...
Pyar du, ehsaas du, apnapan du...
Kahan kho gayi MUSKAAN tumhari,
ushe dhundkar tumhe wapis du...
Kabhi sochta hoon...
Kabhi to milo mujhse,
tumse ye Gujarish karoon....
Phir se mere sath raho,
mera sath do ye tumse kahoon...
Tumhi to ho mere aasman, tumhi mere sitare ho,,,
Tumhe ehsaas kara doon.....

Kabhi Sochta hoon.......!!!